El ríu Duerna, antañu Ornia, al que deben el sou nome "los orniaci", tribu ástur asentada n´esti val, naz en Poladura de la Sierra, na fin de los Montes de Llión, al llaú´l míticu Telenu.
La sua cuenca ye la d´auguas más puras y menos contaminadas de la provincia. Aporta´l sou caudal al ríu Tuertu yá nel términu de La Bañeza, tras 54 km de percorríu.
El Tuertu naz nel norte los Montes de Llión, en Los Barrios de Nistosu. A lu llargu de más de 84 km d´andadura, atraviesa la hestórica Vía de la Plata y el Camín de Sayagu. Y tras pasare pur Astúrica Augusta (Astorga), riega la fértil tierra agrícola de La Veiga.
El Duerna daye las suas auguas poucu después de pasare pur Santa Colomba de la Veiga, y él pul sou lláu, baixandu pula emblemática Ponte de Fierru de 1906, una vez arrodiada La Bañeza, entrega las suas al Órbigu.
El ríu Órbigu xurde de la unión del Lluna y l´Omaña. El sou nome provién de la voz íbera "Urbikoa" que quier dicire "dous ríos". Recueye las auguas del Duerna, Tuertu, Xamuz y Ería, pa terminar el sou cursu de 162 km, nel ríu Esla. Dende´l sou nacimiento en Villarroquel, ata la sua arribada a Vegellina d´Órbigu, baña la fértil ribeira a la que da nome y bayura. A la fin axúntase cul Tuertu enantias de chegar a La Bañeza.Alrodiu los nuesos ríos y cumu rasgu peculiar de las xentes d´estas tierras, desenrróllanse deillos pasatiempos cumu´l bañu, el paseyu, la comida, y cumu nun podía sere d´outru xeitu, la pesca, yá que baixu las suas nidias auguas medra una de las especies más conocidas y sabrosas de la zona: la trueita común.
No hay comentarios:
Publicar un comentario