El sábadu Febreiru y 21, asocedéu n´ Alixa del Infantáu una de las cellebraciones más peculiares y ancestrales del antruexu llïonés: La Fiesta de "Jurrus y Birrias", declarada d´Interés Turísticu. Sigún los entendíos na tema, el sou orixe sedría pre-román. Un ritual paganu, nel que los "Jurrus" representan al mal, y van atavíaos cun pelleyos d´animales, carantola, cornamenta, cencerros y armaos d´unas tenazas de madeira grandes enforma. Y los "Birrias" presonifican al bien, y van ataviaos cun roupas de llinu, pieles y carantolas de madeira, dalgunas de más d´un sieglu d´antiguedá.
Ente dambos establécese una llucha na que los "Birrias" salen vencedores, y el cabezaleiru los "Jurrus" fina amburáu nuna fogeira prendida na plaza´l pueblu.
Cumu siempres, una vuelta más, la Eigrexa adautóu estos ritos paganos a las creyencias cristianas y convertíu esta ancestral fiesta de primaveira nuna alegoría de la llucha ente´l bien y el mal na que "Doña Cuaresma" , cumu presonificación de los valores cristianos, sal triunfadora.
No hay comentarios:
Publicar un comentario