Esta mina d´ouru, afitada a la vera´l Telenu, ente Priaranza de la Valduerna y Luyego, ye seique la más grande´l ríu Ornia (Duerna).El sistema d´esplotación utilizáu pulos romanos nel sieglu I, fou n´esti casu´l d´"arrugia", nel que l´augua arrastraba l´ouru que se depositaba nas lladeras de los ríos Ornia (Duerna) y Eria. De los más de 38 kilómetros cuadraos d´esplotaciones auríferas del Telenu, sacábanse unas seyes toneladas d´ouru al añu. Anguañu la mayor parte los yacimientos romanos alcuéntranse na zona militar.
Ya nel añu 1971, fízunse unas escavaciones a cargu´l prestixosu arquiólogu francés Claude Domergue qu´años más tarde aseguraba nuna entrevista al Diario de León que: "El Teleno puede ser un museo al aire libre". Y más recientemente en 2006 l´Inxenieru téunicu de Minas y Profesor de la Universidá de Llión Roberto Matías, nel "Congreso sobre Obras Públicas Romanas" declaróu que yera la mayor mina romana d´ouru que se conoz, y pidíu la declaración de Patrimoñu de la Humanidá.
No hay comentarios:
Publicar un comentario