viernes, 8 de julio de 2011

Valdaviéu: Castiellu del "Conde Peña Ramiro"

Valdaviéu ye un pueblu del suroeste de Llión que pertenez al municipiu de Trueitas, en Cabreira Alta, afitáu a 1130 metros d´altitú. A 1367 metros, en Valcaliente, alcuéntranse las ruinas del Castiellu del "Conde Peña Ramiro", feichu durante la dominación visigoda sobru las ruinas d´un castru romanu. La presencia romana n´esta zona tien que vere cuna desplotación mineira d´ouru, cumu sabedes.
Durante la xubida al Castiellu, podemos almirare unas prestousas vistas de Valdaviéu y la flora típica de la zona n´estas datas braniegas, ente outras el piornu y la dedaleira, que tiñen d´amariellu y púrpura los montes llïoneses. Tamién podemos acolumbrare dende lu altu´l Castiellu outros pueblos de la zona cumu Trueitas, La Cuesta, Cunas...

No hay comentarios:

Publicar un comentario en la entrada