martes, 14 de septiembre de 2010

Canales romanas de Llamas de Cabreira

N´esti piqueñu pueblu de Cabreira baixa, al sur de los Montes Aquilanos y a unos 900 m. d´altitú, alcuéntrase la mayor rede hidráulica mineira conocida, en palabras del sou descubridor, l´Inxenieru Téunico de Minas, Roberto Matías.
Fou descubierta nel añu 2002 pula asociación Promonumenta, durante los trabayos de llimpieza de las canales que llevaban l´augua a Las Médulas.
N´estas desplotaciones a cielu abiertu y baixu tierra, los romanos utilizonun la manu d´oubra llariega y de la contorna, que taba a las órdenes del "Procurador Metallorum", representante del Emperador, cun sede n´Asturica Augusta (Astorga), capital de tol Conventus Asturum. Éstos yeran homes xurídicamente llibres, forzaos a facer estos trabayos cumu tributu pal Estáu román.
Pa la desplotación d´esta mina d´ouru yera indispensable l´abastecimientu continuu d´augua a la mina, pulu que se fizu una rede de canales grande enforma. Esti augua venía de los ríos Cabreira, Oza y Eria. Los téunicos encargaos de dirixire las oubras formaban parte del exércitu román, yeran los chamaos inxenieiros "libradores".
Las ferramientas utilizadas yeran mueitu senciellas, de madeira y fierru, feichas nel pobláu metalúrxicu d´Orellán (Médulas).
Nel añu 2005, Roberto Matías, promovéu la declaración del parax cumu "Bien de Interés Cultural", petición entá nun resuelta pula Junta.
Paga la pena visitar esta impresionante rede de canales, pa conocer un capítulu más de la interesante hestoria de la nuesa tierra, y decatase cun tristura una vez más, del olvidu y abandonu al que ta sometida.

2 comentarios:

  1. Corrección: El descubridor de la mina romana de Llamas de Cabrera se llama ROBERTO Matías, no ALBERTO Matías.

    Saludos

    ResponderEliminar
  2. Muchas gracias por la corrección, fue un lapsus. Un saludo.

    ResponderEliminar