Mayuelu

(Crataegus monogyna). El mayuelu ou espinu albar ye un arbustu de fueya caduca, de la familia de las Rosaceae, que puede algamar ata 6 m, cun ramas convertidas n´espinas. Florez n´abril y mayu, y nas montañas ata xunu. El sou frutu ye redondu, encarnáu y cun un solu guesu que madura d´agostu n´adelantre. Medra ente outros árboles, nos torrentes y a la vera los sembraos. Las suas flores utilízanse cumu tónicu pal coral, cumu sedantes, antiespasmódicas y pa baixare la tensión del sangre, ente outros.