Castañal

(Castanea sativa). La castañal ye un árbol de la familia de las Fagaceae que puede algamare los milenta años. Florez en xullu y el frutu (la castaña) atrópase n´outubre. La flor masculina apaez n´espigas amariellas (semeya d´enriba), y la femenina al cabu´l tiempu son los ouricios (semeya d´abaixu) d´onde salen las castañas. Las castañas tienen proteínas, sodiu, potasiu, fósforu, fierru, calciu y deillas vitaminas, pulu qu´antañu fonun mui importantes pa l´alimentación de presonas y ganaú, sobrutóu gochos. La corteza y las fueyas tienen propiedaes escontra la tos y los males de la bouca y el gañote ente outras. Y la madeira val pa facere muebles, cestos, istrumentos musicales, ecétera.