El Reloxeiru ya Iruela

Iruela ye un pueblu de 21 habitantes, situ a 1210 m d´altitú que pertenez al municipiu de Trueitas, en Cabreira Alta, a 65 km de La Bañeza y 80 d´Estorga, Partíu Xudicial al que pertenez. Tien una Eigrexa Parroquial, una Ermita dedicada a San Antón, unas antiguas escuelas, una fragua y un molín, tóu eillu restauráu nos cabeiros años.

Peru lu primeiru que nos atoupamos al arribar a Iruela, ye´l Monumentu al "Relojero Losada", llevantáu en 1993 pulos propios vecinos.

José Rodríguez Losada, nacéu en Iruela, en Mayu y 8, 1797. Fiyu de Miguel Rodríguez y María Conejero, utilizóu l´apellíu Losada n´homenax a la sua tierra, a la xurisdición a la que´l sou pueblu pertenecía.

Sigún l´hestoriador Matías Rodríguez, siendu un mozu de 17 años, José yera pregeiru cuandu perdéu una vaca. Al chegar a la sua cá, mandónunye tornare pur eilla, y cuandu descubríu que taba muerta, ablucáu pulas consecuencias qu´aqueillu trayería, escapóu del pueblu ata chegar a La Puebla de Senabria. Eillí recoyéulu un arrieru que lu llevóu p´hacia Estremadura.

El sou collaciu, el poeta y dramaturgu, José Zorrilla cunta la sua escapada d´Hespaña. Persigíu, arriba a Llondres aú entama cumu mozu de llimpieza nuna reloxería, casóu cuna viuda l´amu y algamóu a ser el primer cronometrista d´Inglaterra y proveedor de cronómetros pa la Marina Hespañola.

N´Hespaña toos conocemos a esti ilustre presonax llïonés pur ser el reloxeiru que fizu y donóu a la Villa de Madrí´l Relox de la Puerta del Sol.