Batán Muséu del Val de San Lorenzo

Cuatru fonun los batanes ou pisones qu´hubu cuantayá n´esti fermosu pueblu maragatu, a 6 km d´Estorga, que ye Val de San Lorenzo.
Un d´eillos ye´l que guei se conoz cumu´l Batán Muséu, afitáu a la entrada´l pueblu y a la vera´l Ríu Turienzu.
El batán ye una máquina davezu hidráulica, cun unos gruesos mazos de madeira, movíos pur un eixe, pa golpeare, desengrasar y enfurtire los paños; y tamién se chama asina al edificiu nel qu´esta máquina furrula.
Nel casu del Val, el Batán Muséu ye l´edificiu averáu al ríu, nel qu´al traviés d´una presa y una canal se almacenába y conducía l´augua pa que moviera la rueda que faía furrulare los mazos del pisón.
Anque los primeiros batanes yeran de madeira, movíos pula fuercia hidráulica, años más tarde entamonun a furrulare cun lleutricidá.
Nel Batán Muséu hai amás una pila, un llavadeiru y una centrifugadora, p´ablandare, llavar y escurrire la llana ou las mantas abatanadas, respeutivamente.Y dúas perchas de cardos pa sacar el pelu a las mesmas. Pa facer esti trabayu a manu, utilízase la cardencha ou cardón que se cultivan n´Alicante y Albacete. Y pa desengrasare los paños usábase ata va bien poucu la greda, arcilla arenosa sacada del Sierru d´Estorga.
Una visita imprescindible pa conocere la Industria Testil del Val, xeitu de vida d´estas xentes dende van deillos sieglos.