Coprinus atramentarius

Del orde Agaricales, rucha en grupos apretaos sobru tou en choupeiras, a la vera los caminos, en xardines abonaos...pur primaveira y otoñu. Ye tósica si se consume cun alcohol.

Trametes versicolor

Del orde Polyporales, esta seta aterciopelada medra sobre madeira muerta d´árboles de fueya caduca. N´esti casu de choupu.

Tremella mesenterica

Esta seta del orde Tremellales, que paez xelatina, medra en madeira muerta de planifolios, durante tol añu. Parasita  outros fungos. Nun tién dengún valor culinariu.

Valdaviéu: Castiellu del "Conde Peña Ramiro"

Valdaviéu ye un pueblu del suroeste de Llión que pertenez al municipiu de Trueitas, en Cabreira Alta, afitáu a 1130 metros d´altitú. A 1367 metros, en Valcaliente, alcuéntranse las ruinas del Castiellu del "Conde Peña Ramiro", feichu durante la dominación visigoda sobru las ruinas d´un castru romanu. La presencia romana n´esta zona tien que vere cuna desplotación mineira d´ouru, cumu sabedes.
Durante la xubida al Castiellu, podemos almirare unas prestousas vistas de Valdaviéu y la flora típica de la zona n´estas datas braniegas, ente outras el piornu y la dedaleira, que tiñen d´amariellu y púrpura los montes llïoneses. Tamién podemos acolumbrare dende lu altu´l Castiellu outros pueblos de la zona cumu Trueitas, La Cuesta, Cunas...

Volvariella bombycina

Tamién conocida cumu Volvaria sedosa, esta seta pertenez al orde Agaricales y ye una especie saprófita poucu frecuente que vive sobru árboles de fueya caduca. N´esti casu sobru´l tueru un choupu.

Fomes fomentarius

Esti yesqueiru, asemeyáu a un cascu de caballu, cumu tamién se ye conoz, rucha y medra en madeira viva ou muerta de planifolios, sobrutóu choupos, fayas ou abedules, tol añu. Ye una especie mueitu frecuente.

Más setas...Boletus satanas

Cumu la variedá de setas que ruchan nos nuesos montes ye grande asgaya, diréi xubiendu las semeyas de las que vaiga alcontrandu esti otoñu, y que nun tuvi la suerte d´alcontrare l´otoñu pasáu. ¡Que vos preste!. Esti boletu, conocíu cumu Boletu de Satanás, ye una especie poucu frecuente, que medra sobrutóu baixu carbayos y ancinas pul branu y l´otoñu. Ye mueitu tósicu.